Leikur og nám fara saman
Í Krakkaborg fá nemendur tækifæri til að kanna, skapa og læra af eigin reynslu. Starfið byggir á hugmyndum Johns Dewey um nám í gegnum athafnir og leik.
Við leggjum áherslu á samvinnu og skapandi hugsun. Rúmt útisvæði og nágrenni leikskólans bjóða upp á fjölbreytt tækifæri til útiveru og náttúruskoðunar.
Saga sem hófst árið 1982
Krakkaborg hóf starfsemi í Villingaholtsskóla árið 1982 að frumkvæði foreldra. Leikskólinn flutti í Þingborg árið 1996 og í fyrrum grunnskólahúsnæði staðarins árið 2004. Stærra og endurbætt húsnæði var tekið í notkun árið 2015.
Í dag rekur Flóahreppur leikskólann.
Hugur – Hjarta – Hönd
Einkunnarorðin minna okkur á að hugsun, umhyggja og athafnir eiga samleið. Þau mynda grunn að kynningu okkar á starfinu.
Kynnast skólastarfinu